Skip to main content

Me pēhea te tuku tono

Me pēhea te tuku tono

Mehemea he mōrehu hōia koe i mahi hōia e tutuki ai ngā ritenga, arā ētahi ara e wātea ana ki a koe hei tuku tono kia tautokona koe.

Me he wharanga, he mate hauora rānei, ki ō whakaaro e pā ana ki ō mahi hōia e tutuki ai ngā ritenga, ka taea pea e mātou te āwhina. 

He whakamārama mō ngā Mahi Hōia e Tutuki ai ngā Ritenga

Ngā mate e āwhinatia ai te tangata e mātou

He pēhea mātou e whakatau tika ai me he mate tōu e pā ana ki ō mahi hōia [English]

Me mōhio koe he mahi hōia āu e tutuki ai ngā ritenga, i mua i tō tīmatanga i tō tono.

Āta titiro ki tō āhei kia tautokona

Me pēhea te tuku tono

  • Step 1 Rapua te puka tono tika

    E rua rawa ngā puka tono matua

    Kei te āhua o te wā i haere ai ō mahi hōia te kōwhiringa o te puka tika mōu. Ki te whakamahia e koe te puka hē, ka whakaaetia tonutia e mātou.

    Me i mahi koe i mua atu i te 1 Āperira 1974, i Whitināmu rānei, tēnā whakamahia te puka tono mō te Penihana Ngoikoretanga.

    Disablement Pension application form [English]

    Me he mea i muri mai ō mahi hōia i te 1 Āperira 1974, whakamahia te puka tono Tautoko Mōrehu Hōia.

    Veteran Support application form [English]

    E wātea katoa ana ngā puka mō ngā whiwhinga me ngā ratonga i te ipurangi

    Me he hiahia rerekē tāu, hei tauira, he āwhina i ō mahi i tō whare, ka taea e koe te puka tono whāiti te tiki ake.

    He rārangi o te katoa o ā mātou puka i te ipurangi [English]

    Whakapā mai ki a mātou kia āwhinatia tō rapu i te puka tika

    Ka taea koe e mātou te akoako ko tēhea te puka tika, me he mahi anō māu hei tuku mai i te tono.

    Whakapā mai ki a mātou [English]

  • Step 2 Whakakīa te puka tono

    Ko ā mātou puka kei te hōputu kōnae PDF. Ka taea katoatia ēnei te tā ki te pepa.

    He āpure ka taea te whakakī kei ētahi o ā mātou puka. Hei āwhina ēnei i a koe ki te patopato i ō whakautu ki te puka. Ki te mahia e koe tēnei, ka taea e koe ēnā mea te tiaki, te tā rānei, te tiaki rānei me te tuku mai i ērā mā te īmēra ki a mātou (i muri mai i te whakaotinga).

    Whakamahia te rārangi arowhai kia kitea ngā mahi hei mahi me ngā tuhinga kia whakaurua ki roto. Me mōhio koe kua oti i a koe ngā wāhanga katoa e tika ana, kua whakapiria ngā tuhinga tautoko, me ētahi kape motuhēhē tuakiri (ki te hiahiatia).  

    Mō te nuinga, ka oti wawe tō tono te whakarite e mātou, me ka tae mai ngā mōhiotanga tika katoa.

  • Step 3 Īmēratia, pōhitia mai rānei tō puka tono kua oti te whakakī


    Ka taea e koe te īmēra mai rānei tētahi kape matihiko o tō puka tono, te pōhi kape pepa rānei o tō puka me ngā mōhiotanga tautoko.

    {{ controlText }}

    Hei īmēra mai i tētahi kape matihiko o tō tono

    Īmēratia mai te puka me ētahi tuhinga tautoko ki:

    veterans@nzdf.mil.nz

    Āta titiro he hāngai ō tāpiritanga ki ā mātou tohutohu. Hei tauira, kaua te rahi o ngā kōnae i tō īmēra e neke atu i te 15MB.

    Ngā aratohu īmēra

    Hei tuku mai i tētahi kape pepa o tō tono

    Tukua mai te puka me ētahi tuhinga tautoko ki:

    Veterans' Affairs
    Pouaka Poutāpeta 5146
    Te Whanga-nui-a-Tara 6140
    Aotearoa

Ka aha ināianei?

Mā mātou koe e whakamōhio kua tae mai tō tono.

Me ako ngā āhuatanga ka kitea e koe i muri i tō tuku i tō kerēme [English]

I a koe e tatari ana kia mahia tō tono

Kia oti tō tono te tuku mai, me haere tonu ngā taurimatanga e tika ana a ngā tākuta, a ngā kaimahi hauora hoki i a koe.

Me pupuru ō rihīti mō ngā mea ka utungia e koe i roto i tēnei wā. Ka taea pea e mātou aua utunga taurima te utu atu anō ki a koe, ki te whakaaetia tō tono.