Te Penihana Mōrehu Hōia
He utunga ā-rua wiki te Penihana Mōrehu Hōia, he āhua rite ki te Penihana o Aotearoa, engari arā anō ōna painga tāpiri.
Ka whakahaeretia, ka utua hoki te Penihana Mōrehu Hōia e Te Manatū Whakahiato Ora, kaua mā Te Tira Ahu Ika A Whiro
Ko wai ka āhei mō tēnei
Ka whiwhi pea koe i te Penihana Mōrehu Hōia mehemea i pā ēnei āhuatanga ki a koe, ki tō hoa rānei:
- i whai Mahi Hōia i Tutuki ai ngā Ritenga
- he tangata i noho i Aotearoa, ā, e noho ana koe i konei mō te nuinga o te wā,
- ā, kei runga ake koe i te 65 tau te pakeke.
Ka whiwhi koe i te aha
Kei te āhua o ēnei mea te rahi o te pūtea ka tukua ki a koe:
- mehemea he takakau koe, kua moe hoa rangatira rānei, he hononga ōu ki tētahi hoa rānei
- te āhua o tō noho mehemea he takakau koe
- mehemea kua uru tō hoa ki ō utunga Penihana Mōrehu Hōia, kāore rānei
- ētahi atu painga, penihana rānei kua whiwhi koe
- ētahi utunga kua whiwhi koe mai i ngā inihua aituā, i ACC rānei.
Ngā utunga paerewa
Te āhua o te noho | Te wahi ia wiki ($NZD) |
Tangata takakau e noho takitahi ana |
$627.14 |
Tangata takakau e noho tahi ana me ētahi atu | $576.80 |
Taumata utu hononga | $476.47 |
Hononga (kāore te hoa pūmau i te whiwhi penihana o Aotearoa, penihana rānei) | $903.42 |
Hononga (kāore te hoa pūmau i te whiwhi penihana o Aotearoa, penihana rānei) taumata tuku iho | $952.94 |
Ngā utunga tahua tōpū kāore e taea te tāke
Te āhua o te noho | Taumata (tahua tōpū) |
Tahua tōpū i te matenga o te mōrehu hōia | $7,580.60 |
Tahua tōpū i te matenga o te mōrehu hōia, o te hoa rānei o te mōrehu hōia | $5,780.43 |
Te Tāke me te Pēnihana Mōrehu Hōia
Ka utu tāke koe mō te Penihana Mōrehu Hōia. Kei te āhua o tō whiwhinga i ētahi atu pūtea, tō utu tāke, te kore rānei e utu tāke.
Ngā moniwhiwhi e utu ai koe i te tāke [hononga o waho](external link)
Ētahi atu painga tērā pea ka whiwhi koe
Ka whiwhi pea koe i ētahi atu painga mehemea he Penihana Mōrehu Hōia ōu, kaua te Penihana o Aotearoa.
- Ka whiwhi aunoa koe i tētahi Kāri Ratonga Hapori — ka whakakotahitia tēnei ki tō Veteran SuperGold Card.
- Kāore tō penihana e whakahekea ki te haere koe ki ngā taurimatanga hōhipera wā roa.
- I muri i tō matenga, ka āhei pea tō hoa me ō tamariki kia whiwhi i tētahi utunga tōpū.
- Ka āhei pea koe kia whiwhi utunga tōpū i te matenga o tō hoa pūmau.
Te Kāri Ratonga Hapori i Govt.nz [hononga o waho](external link)
Me pēhea te tono
Ka taea e koe te tono mō te Penihana Mōrehu Hōia e waru wiki i mua i tō ekenga ki te 65 tau.
Tēnā whakapā atu ki te Pūtahi Penihana Mōrehu Hōia mō tō noho, ā, mā rātou e whakamārama me pēhea te tono.
He mea hira te rā e tono mai ai koe
Ka utua koe atu i te rā i tono ai koe. Ki te tono koe i muri i tō ekenga ki te 65 tau e kore e hoki whakamuri ngā utunga.
Me hoatu e koe ērā atu puka katoa e hiahiatia ana hei whakaoti i tō tono ki te Pūtahi Penihana Mōrehu Hōia i roto i te 20 rā mahi. Ki te kore, me tono anō koe, pea. Tēnā whakapā atu ki a rātou ki te hiahia koe mō tētahi wā roa kē atu.
Related pages
- Information in te reo Māori
- Child Care payment rates
- Children's Bursary payment rates
- Disablement Pension payment rates
- Family pensions payment rates
- Funeral Expenses payment rates
- Independence Allowance payment rates
- Other payments payment rates
- Survivor's Grant payment rate
- War Disablement Pension payment rates
- Weekly Compensation payment rates
- Weekly Income Compensation payment rates
- Lump Sum for Permanent Impairment