Penihana Hoa Rangatira kua Pouarutia, Hoa Pūmau rānei kua Pouarutia
He utunga auau te Penihana Hoa Rangatira kua Pouarutia, Hoa Pūmau rānei kua Pouarutia ka hei āwhina i muri i te hinganga o tētahi tangata ōu i whai Mahi Hōia i Tutuki ai ngā Ritenga.
Ka āhei pea koe kia whiwhi i te Penihana Hoa Rangatira kua Pouarutia, Hoa Pūmau rānei kua Pouarutia mehemea kua hinga tō hoa rangatira, tō hoa pūmau rānei.
Me mātua tutuki hoki tētahi o ēnei herenga:
- I whai mahi hōia e tutuki ai ngā ritenga.
- I hono tō rātou matenga ki tā rātou mahi hōia i tutuki ai ngā ritenga.
- I te whiwhi rātou — i āhei rānei kia whiwhi — i Te Penihana Ngoikoretanga Taotū, me te ngoikoretanga i eke ki te 70% i te matenga.
- I te whiwhi rātou — i āhei rānei kia whiwhi — i Te Penihana Ngoikoretanga, me te ngoikoretanga i eke ki te 52% i te matenga.
Me tutuki i a koe tētahi o ēnei ritenga:
- i te noho tahi koe me ia me te āwhina i tōna noho ia rā, me ōna āhuatanga,
- i te noho tawhiti rānei i a ia, nā ngā take hauora, take mahi, take whare herehere rānei.
He whakamārama mō ngā Mahi Hōia e Tutuki ai ngā Ritenga [te reo Māori]
He utunga auau te Penihana Hoa Rangatira kua Pouarutia, Hoa Pūmau rānei kua Pouarutia. Ka utua:
- ia rua wiki i roto i Aotearoa, ā,
- ia whā wiki i tāwāhi.
Ka tīmata ngā utunga:
- atu i te rā i mate ai te tangata — me i tono koe i roto i te ono marama
- i tō mātou whiwhinga i tō tono — me i tono koe i muri i te ono marama.
Ngā taumata utu mō te Penihana Hoa Rangatira kua Pouarutia, Hoa Pūmau rānei kua Pouarutia [English]
Pēhea te roa o tō whiwhi tautoko
Mehemea kāore koe e tīmata hononga hou, ka haere tonu tō penihana:
- mō tō oranga katoa, ā
- mō ngā rā 28 i muri i tō matenga.
- Whakakīa te puka mō te Penihana Hoa Rangatira kua Pouarutia, Hoa Pūmau rānei kua Pouarutia.
- Tukua mai ki a mātou.
Ka noho hoki ki roto ētahi taunakitanga o tō hononga ki te hoa rangatira, ki te hoa pūmau rānei i Whai Mahi i Tutuki ai ngā Ritenga.
Te puka mō te Penihana Hoa Rangatira kua Pouarutia [English] [PDF, 837 KB]
I muri mai i tō tono mā mātou e:
- whakapā atu ki a koe ki te whakaū kua whiwhi mātou i tō tono
- tīmata te hātepe whakatau take
- tuhi atu ki a koe me te whakatau mō tō tono.
Ki te hiahia mātou ki ētahi atu kōrero, ka whakapā atu mātou ki a koe.
Ō herenga
Me whakamōhio koe i a mātou ki te tīmata koe i tētahi hononga hou. Ka mutu ō tika kia whiwhi i tēnei penihana i te wā tonu e tīmata ai tētahi hononga hou. Ko taua hononga me mārena, me hononga ā-ture rānei, me piringa de facto rānei.
Ahakoa, ka taea e koe kia whiwhi utunga rite ki ētahi tau e rua o te penihana. Ka mutu tō tika ki tēnei i te rā tonu i muri i tō tika ki te penihana.
Ka āhei koe kia whiwhi anō i tō penihana ki te mutu rawa tō piringa hou i roto i te rima tau o tōna rā tīmatanga.
Whakapā mai ki a mātou mō ētahi atu kōrero [English]
E mahi nui ana mātou kia whitikia ā mātou mahi e te rā. Ki te hiahia koe ki te mōhio he pēhea tēnei āheinga i whakahaeretia ai, ka taea e koe te pānui te kaupapa here.
