Skip to main content

Rongoā Māori

Ka tuku pūtea mātou mō ngā rongoā Māori hei wāhanga o te taurima me te whakamātūtu.

Kua horaina tēnei pūtea i raro i ngā ritenga o te Ture Tautoko Mōrehu Hōia 2014.

Pānuitia te Ture Tautoko Mōrehu Hōia 2014 [English](external link)

Ki a mātou he wāhanga taketake ngā rongoā nō te mātauranga Māori, ā, ka tautuhitia e mātou pēnei, he huinga whakapono, ritenga, taurimatanga hoki i takea mai i te ahurea Māori, i ōna uara, i ōna kaupapa tuku iho, me tōna titiro ki te ao. Ko te whāinga kia matawhānui te whakapiki i te hauora me te toiora o te tangata whiwhi me tōna whānau.

I roto i ngā tāpaetanga ki te Uiuinga Kaupapa mō ngā Mōrehu Hōia a Te Rōpū Whakamana i Te Tiriti o Waitangi (Wai2500) i kitea te hiahia kia whāngaia ngā rongoā Māori ki te pūtea, e Te Tira Ahu Ika A Whiro. Ahakoa ērā kōrero, kua tīmata kē tā mātou whāngai pūtea mō ngā rongoā Māori, me tā mātou whakaae kāore anō kia pānui whānuitia e mātou tērā āhua.

Ko tō mātou tūmanako kia nui atu ngā tono ka tae mai ki a mātou mō ngā rongoā Māori, nā te mea kua tino piki ngā tono mō ngā rongoā Māori. I waenga i te marama o Hune 2020 me te marama o Mei 2024 kua piki te maha o ngā kiritaki ACC i āwhinatia ki te rongoā mai i te tahi ki te 9000.

E mahi tahi ana mātou me ngā kaihora Māori ki te whakarite tikanga e wātea ake ai te ara ki ngā tono a ngā mōrehu hōia mō ngā rongoā nei.

Te tūmanako ia mā tēnei mahi me te pikinga o te māramatanga ki te wātea o te rongoā mā roto i Te Tira Ahu Ika A Whiro ka nui atu ngā mōrehu hōia ka whai painga i ēnei mahi ā ngā rā kei mua i te aroaro.

Ētahi atu mōhiotanga mō ngā rongoā Māori i Te Whatu Ora [English](external link)