Te Pūtea mō Ngā Papa Whakamaumahara me ngā Kōhatu
Te Pūtea mō Ngā Papa Whakamaumahara me ngā Kōhatu
Ka āhei pea mātou ki te tuku pūtea mō tētahi papa whakamaumahara mō ētahi tāngata — me ō rātou hoa rangatira, hoa pūmau rānei — ki te mea kua whai Mahi Hōia e Tutuki ai ngā Ritenga.
Ka āhei pea koe kia whiwhi i tēnei mehemea:
- kua whai Mahi Hōia e Tutuki ai ngā Ritenga i raro i te Ture Tautoko Mōrehu Hōia 2014,
- kua whai Mahi Hōia e Tutuki ai ngā Ritenga tō hoa rangatira, hoa pūmau rānei i raro i te Ture Tautoko Mōrehu Hōia 2014.
He whakamārama mō ngā Mahi Hōia e Tutuki ai ngā Ritenga
Ngā whenua o te Kotahitanga o Ingarangi me ērā atu whenua taituarā
Mō ētahi āhuatanga, ka taea e mātou te āwhina ngā hōia mai i te Kotahitanga o Ingarangi me ērā atu whenua taituarā, tae atu ki tō rātou hoarangatira, hoa pūmau rānei.
Kei te āhua o te wāhi e nehua ai tētahi tangata ngā tikanga ka whāia e mātou mō te tuku pūtea mō tētahi pae whakamaumahara, tētahi kōhatu rānei.
Ki te nehua tētahi tangata i tētahi Urupā Ope Hōia — ahakoa takitahi, ahakoa i te taha o tōna hoa rangatira, hoa pūmau rānei — ka ea i a mātou ngā utu katoa o:
- te papa whakamaumahara, o te kōhatu rānei
- tōna whakatūranga, me
- ngā whakahoutanga o te papa whakamaumahara, te kōhatu rānei mō te hoa rangatira, hoa pūmau rānei e nehua ana i reira.
Ina nehua ki tētahi urupā tūmatanui, tūmataiti rānei, ka taea e mātou te tuku atu tae atu ki te NZD$1,000.
Kua oti ngā papa whakamaumahara me ngā kōhatu te whakaōrite, arā, ngā kupu ake, me te āhua, kia manarite, kia ōrite hoki mō te katoa. E kore e taea te tāpiri kupu whaiaro ki ngā papa whakamaumahara i ngā Urupā Ope Hōia. Ka whakapā atu mātou ki a koe ki te whakaū i ngā taipitopito o ngā kupu.
Te tautiaki i tētahi papa whakamaumahara, i tētahi kōhatu rānei [English]
- Whakakīa tētahi o ēnei:
- Te puka tono Tono Whakamaumahara — mehemea i nehua i tētahi Urupā Ope Hōia, tērā rānei
- Te puka tono mō tētahi Pūtea mō tētahi Tohu Whakamaumahara — mehemea i nehua i tētahi Urupā Tūmatanui, Tūmataiti rānei.
- Tukua mai ki a mātou mā te īmēra, mā te mēra rānei.
Te puka tono Tono Whakamaumahara [English] [PDF, 492 KB]
Te puka tono Pūtea mō tētahi Tohu Whakamaumahara [English] [PDF, 482 KB]
I muri atu i tō tono mā mātou e:
- whakapā atu ki a koe ki te whakaū kua whiwhi mātou i tō tono
- tīmata te hātepe whakatau take
- whakamōhio ā-tuhi i a koe mō te whakatau mō tō tono.
Ki te hiahia mātou ki ētahi atu kōrero, ka whakapā atu mātou ki a koe.
Whakapā mai ki a mātou mō ētahi atu kōrero [English]
E mahi nui ana mātou kia whitikia ā mātou mahi e te rā. Ki te hiahia koe ki te mōhio he pēhea tēnei āheinga i whakahaeretia ai, ka taea e koe te pānui te kaupapa here.
Ngā Papa Whakamaumahara me ngā Kōhatu [English] [PDF, 1.1 MB]