Ngā Utu Tangihanga
He takuhe pūtea takitahi ngā Utu Tangihanga.
Te mate rawa e pā ana ki ngā mahi hōia, ki ngā Mahi Hōia rānei e Tutuki ai ngā Ritenga
Ka taea e koe te tono mō ngā utu tangihanga mō tētahi mōrehu hōia mehemea:
- i whai mahi hōia e tutuki ai ngā ritenga,
- i takea mai tōna matenga i āna mahi hōia.
Te mate rawa kāore e pā ana ki ngā mahi hōia, ki ngā Mahi Hōia rānei e Tutuki ai ngā Ritenga
Ka taea e mātou te āwhina i ngā utu tangihanga mō tētahi mōrehu hōia mehemea e āhei ana koe mō tētahi o ēnei:
Penihana Hoa Rangatira kua Pouarutia, Hoa Pūmau rānei kua Pouarutia [te reo Māori]
Kāpeneheihana ā-Wiki mā te Whānau [English]
Te tikanga i te whiwhi te mōrehu i tētahi utunga whāiti mai i a mātou i te wā o tōna matenga.
Ko te ture, i te whiwhi i tētahi o ēnei, neke atu rānei:
Penihana Mōrehu Hōia [te reo Māori]
Kāpeneheihana ā-Wiki [English]
Te Kāpeneheihana ā-Wiki [English]
Te Penihana o Aotearoa [hononga o waho](external link)
Te Utunga Noho Tautoko mai i Te Hiranga Tangata [hononga o waho](external link)
Ngā utu mō te tangihanga, mō te nehu me te tahu tūpāpaku
Ko ngā utu paerewa ka taea e mātou te āwhina atu ko ngā utu mō te tangihanga, mō te nehu me te tahu tūpāpaku.
Ngā utu mō te kawe i te tūpāpaku
Ka taea e mātou te āwhina i ngā utu mō te kawe i te tūpāpaku ki te wāhi nehu me i pā te matenga ki ngā Mahi Hōia e Tutuki ai Ngā Ritenga, ā, i mate i:
- tētahi hōhipera tūmatanui, i
- tētahi hōhipera tūmataiti rānei.
Ko te rahi o te utu ka kapi kei te āhua o te katoa o te tawhiti i haerea mō ēnei āhuatanga.
Ki te whiwhi koe i ētahi atu tautoko
Mehemea kua tukua atu e tētahi atu hinonga kāwanatanga pēnei i Te Tari Āwhina Hunga Whara, Te Ope Hōia o Aotearoa, a Te Hiranga Tangata rānei tētahi pūtea āwhina mō te tangihanga, ka āhei tonu koe te tono mai ki a mātou. Ka tirohia e mātou te rahi o tā ratou tukunga ina whakatauria te rahi.
Ngā taumata utu
- Whakakīa te puka tono Utu Tangihanga
- Tukua mai te puka tono me ētahi atu kōrero tautoko ki a mātou.
Tiki ake i te puka tono mō ngā Utu Tangihanga [English] [PDF, 914 KB]
I muri mai i tō tono mā mātou e:
- whakapā atu ki a koe ki te whakaū kua whiwhi mātou i tō tono
- tīmata te hātepe whakatau take
- tuhi atu ki a koe me te whakatau mō tō tono.
Ki te hiahia mātou ki ētahi atu kōrero, ka whakapā atu mātou ki a koe.
Whakapā mai ki a mātou mō ētahi atu kōrero [English]
E mahi nui ana mātou kia whitikia ā mātou mahi e te rā. Ki te hiahia koe ki te mōhio he pēhea tēnei āheinga i whakahaeretia ai, ka taea e koe te pānui te kaupapa here whakaroto.